"Bible" Nih A Chimh Mi Sifaknak A Ruang Pi

Introduction :
A hmun lo mi vawlei cung kan khuatlawnnak ram ah chitkhat te kan nun lio caan ah hin,
sifakpeng,hnabei donghpeng,damlo peng,lungreithei peng,umhar lileng in khuasakpeng,ngeihchiah
peng hna hi,bawipa nih a kan timhlamh piakmi a si hrimhrim lo ee, nuam te in khuasa ding ah le Amah zumh le zulh cun thiltha tuah hna seh ti mi tu ah khaan a kan timhlamh piak deuh mi cu si.,a sina in
kan sifak i, kan lungrei a theingai caan hi a um peng caah a ruangpi kan kawl cio a hau,a tanglei i aa
tial mi hi biatak in ruah than Uh sih.,

(1) Cawnpiaknak kha zeirel lo ruang ah kan sifak.,Prov.13:18
(2) Santlai lo rian pakpalawng kha a dawi lengmang ruang ah.,Prov.28:19
(3) Sualnak kan tuah ruang ah sifak cu kan in cuahmah ko cang.,Rev.2:22-23,Acts.4:6.
(4) A herh lo mi lamdang ah Zuanzam lengmang ruang ah kan sifak.,Ps,16:4.Deut.28:14
(5) Pathian nih thluachuah a kanpek mi hna zei ah kan rel lo ruang ah kan si a fak,.2chroni.28:1-27,
33:1-9.
(6) A thli te in thatlonak kan tuahmi hna ruang ah, cu nih cunnganfahnak le temh innak a chuahter
hlei ah taksa damlonak le thinglung sifaknak a tampi a chuahter thiam ee.,Rom.2:9,Acts.5:1-20.
(7) Cheuhracheukhat le thawhlawm peknak leikap ah kan feklotuk ruang ah.,Malikhi.3:7ff
(8) Sifak kan ton caan ah Nundan thiam hna seh tiah duhpinak le,kan rum lio caan zong ah nundan kan
thiamnak ding caah Pathian nih Nun a kan cawnpiak caan a um thiam ve.Is.30:20-1ff,Ecc.7:14b,
Ps.119:71,Acts.3:1.
(9) kan pupa hna i chetsertnak ruang zong ah sifak thiam a si ve,cun kan pu kan pa hna nih bawi an
lawmhter lo ruang zong ah sifak thiam a si ve.Bible,Leviticus,Numbers,Deuteronomy,Gospel(4)
ning in a dihlak in na rel ah cun naa pemh ko lai.,
(10) hrintu nu le pa tihzah Upah nun kan ngeih lo ruang ah le kan zohkhenh duh lo ruang zong ah sifah thiam a si ve.kawl hna khi Buddah-Bata an si na in an fa le hna a rum ngai mi an tam ngai ee,a ruang cu
hrintu an nu an pa hna tha te in an cawnhhlumh an kilhven an cawm hna caah si ko.Prov,ps a dihlak
in nan rel ah cun naa fiang ko lai,pa pathian nih pemhnak@ ngalhfiannak an pek ko hna seh.Careltu nan dih lak cung ah Bawipa thluachuah in pe ko hna seh..,


Pastor,Win Hlaing Oo@Thong Hu
kyarinn A.G church.

read more ""Bible" Nih A Chimh Mi Sifaknak A Ruang Pi"

Awl zannak lam kawl hlah uh sih

1 Samuel 26:10, Bawipa nih a thah te ko lai; a si lo ah a thih ni cu a phan te ko lai; a si lo ah raltuknak hmun ah a kal lai i a lo tlau te ko lai
Thintoi le lungran ruangah hin thil tuah sual mi le palh sual mi a tam khun ton. Pathian nih a caan a khiah mi (timing) kan hngak khawh ti lo ahcun palhnak le thil tuah sual nak a chuak lengmang ko. Kan bible chungah Pathian (timing) a hngak kho mi le a hngak kho lo mi tiah kan hmuh hna.
Pakhatnak ah, 1 Samuel 13:7-14 chungah, Saul cu Pathian timing ningin a ra mi Samuel kha a hngak khawh ti lo caah amah rian a si lo mi khanghthawinak kha a tuah. Cutikah Pathian aa lawm lo, Saul cungah Pathian thinhunnak a tlung.
Pahnihnak ah Pathian timing a hngak mi David cu 1 Samuel 26:6-11 ah kan hmuh khawh. Saul nih hin David hi zer a ngeih caah thah ding in a kawl. David cu a nunnak caah a tli lio mi asi. Cu lio ah cun, a ral si mi Saul cu a ral kap pawl he an i hngilh cuahmah lio ah that ding in Abishai nih “Pathian nih nihin ah hin na ral cu na kut chungah an pek ko; cucaah fei in voi khat chunhte ah amah hi vawlei ah bunh chih ko ning, voi hnih ka chun lai lo,” tiah a ti. Sihmanhsehlaw David nih Abishai cu, “Amah kha hrawk hlah; “Bawipa nih a nun bangin, Bawipa nih a thah te ko lai; a si lo ah a thih ni cu a phan te ko lai; a si lo ah raltuknak hmun ah a kal lai i a lo tlau te ko lai” tiah a ti. Angaingai ahcun, David cu prophet Samuel nih Siangpahrang na si lai tiah chiti a thuh mi a rak si cang (1 Samuel 16:12-13) tikah, lawlawse siangpahrang asi mi Saul cu thah sehlaw, a tlik zong hau ti lo i, Pathian nih lam ttha a ka serpiak mi bak si, ka kut chungah Saul nunnak a ka pek tiah ruah awk a fawi tuk ngaingai mi asi. Abishai a chim mi zong hi ruah awk tha le a hman ngaingai mi a si ko nain, Pathian timing tu cu a rak si lo. David cu awl zannak lam a kawl lo i, Pathian khiah piak mi caan (timing) tu kha a hngak!
Kan nih hna zong, rian kan tuan nak ah, thil kan tuah nak ah, a bikin chawleh nak (sipuazii) kan tuah nak ah thil dik lo in tangka tam deuh le fawi ngai in ngah nak ding hna asi ahcun Pathian duh nak asi hnga maw ti zong ruat ti lo in Saul ban tuk in Pathian duh lo nak kha kan tuah sual awk a fawi ngaingai ko. Pathian sin ah ruahnak hal le thlacam zong um ti lo in, kan thinphan ruangah, sungh ding ttih ruangah, tangka ruang hna ah Pathian timing hngak ti lo in thil kan tuah sual ah cun Saul bantuk kan si ko lai. Thil awl zannak (phiat lan = shortcut) in tuah ding ah hneksaknak hna hi kan nunnak ah voi tam pi a ra ton. David nih cun cu hneksaknak cu a tei khawh: siangpahrang sinak ah awl zannak lam a kawl lo, Pathian timing tu a hngak.
Kan nih hna zong zei kan tuah poah ah awl zannak lam nak in, David bantukin kan i ruahchan tuk mi thil pakhat a rak si zongah Pathian timing tu kha a hngak mi kan si khawh nak hnga Pathian nih thluachuah rak kan pe cio ko seh!

Pastor Hniang Uk
Manila, Philippines
///////////////////////////

------------------------End-----------------------

read more "Awl zannak lam kawl hlah uh sih"

Abraham Pathian, Isak Pathian, Jakob Pathian

Exo. 3:6 Kei cu na pa i a Pathian, Abraham Pathian, Isak Pathian, Jakob Pathian kha ka si,”

Kei hi Ciainn khua ah ka chuak. Ka nu le ka pa khua asi mi Dongva le Phaipha le an rak tthan nak khua Hmawngtlang khua hna ka phan tikah: na pa he (or) na nu he hawi kom tuk kan rak si, na pa he bawlung chuih tti mi kan rak si, na pa he kan i kom tuk, kan rak i daw tuk tiah a ka ti mi hna sin ahcun, ka pa a hawi ttha le an rak sinak nih khan ka hna an ka ngamh ter i keimah inn um bantuk tein ka um i, ka ngamh hna, ka tlaihchan deuh colh ve hna. Ka phanh ballonak khua hna i: na pa a hawi ka si, na pa he kan rak i kom ngaingai tiah an ka ti ahcun ka hna a ngam ngaingai i ka ngamh deuh colh ko hna.

Exo. 3 chung ah Pathian nih Moses cu ruah lo piin (Moses nih aa tinh lo mi, aa theih lo piin) a rak chawnh tikah, Pathian nih amah tein theih hngalhnak a tuah colh mi cu: Kei cu na pa i a Pathian, Abraham Pathian, Isak Pathian, Jakob Pathian kha ka si,” ti hi asi. Pathian nih Abraham, Isak le Jakop hna sinah khuaruah harnak phunphun a rak tuah, a rak zoh khenh hna, thluachuah a rak pek hna i, biakamnak zong a rak pek hna. Cu hna i an Pathian cu Moses a pa zong nih a rak biak, cucaah Pathian nih na pa i a Pathian ka si, a ti nak zong kha asi. Moses caah a hna ngam deuh ngai lai, asinpi deuh ngai lai i a tlaihchan colh deuh lai! Pathian nih kan pipu hna, kan hmai i a kal chung mi hna nun in a kan cawnpiak, a kan chawnh lengmang ton.

Cu hna i Pathian cu nihin ah kan biak mi Pathian hi asi ve! Aa thleng bal lo mi Pathian asi: Abraham, Isak, Jakob hna i Pathian, David thluachuah pe tu Pathian, Moses hruaitu Pathian, profet (Elijah, Elisha) hna hmangin riantuantu Pathian, ca thar chung i lamkaltu hna hmangin khuaruah harnak le thawngtha karh tertu Pathian cu nihin ah nang le kei nih kan biak mi Pathian cu asi ve. Cu tlukin a Lianngan mi Pathian, huham ngei mi Pathian, sunpar lianngannak he a khat mi Pathian cu kan nih kan nunnak ah teh kan hmai i a kal cang mi kan pipu hna bantukin a sunparnak cu kan langh ter kho ve maw? zeite hmanh kan langhter kho ve lo ahcun Pathian kan zumhnak hi kan i check tthan a hau ngai lai. Hlan lio i kan pipu hna sinah a rak tuah mi bantuk bak kha a tuah tthan ve lai kan tinak cu a si lo nain, zumhnak in kal nak lam thluan ahcun khuaruahhar nak, Pathian sunparnak le tehte khan ding tete cu ngeih lengmang ding le hmuh lengmang ding kan si. Pathian nih a hruai mi le a um pi mi kan si ahcun kanmah kan sining le thil kan tuah kho mi nakin thil lianngan deuh a tuah kho lengmang ding mi kan si.

Cucaah, Abraham Pathian, Isak Pathian, Jakop Pathian ti mi nih a kan hmuh sak mi cu: zumnak lei in kan pa, kan pi, kan pu hna nih an kan hmuh ter mi Pathian lianngannak kha nihin ah nangmah ca zong ah asi ve, na langhter kho ve, zeicahtiah cun kan biak mi Pathian hi aa khat mi asi i aa thleng ballo mi Pathian zong asi. A toinak in chim ahcun, an mah sinah cutin ka rak tuah, nang zong zeihmanh phang hlah, ti hi asi ko. A tuah lo belte ahcun kan mah lei chambau ruangah le an mah bantukin Pathian kan rak tlaihchan lo, bochan lo ruangah asi ko hnga!

Dr. Hniang Uk

Manila, Philippines

/////////////////////////////

------------------------End-----------------------

read more "Abraham Pathian, Isak Pathian, Jakob Pathian"

A HO DAH KA SI; WHO AM I?

Biahmaithi:
Vawlei cung ah hin khrihfa / "Christian"tampi kan
um cang ko nain a pawingai mi
pakhat cu,khrihfa kan si ko na in A HO DAH KA SI?zei dirhmun ah dah ka
um,zeitindah ka nun,timi
mah la mah hngalh lo nun,kan sining le kan Boruak theih lo nun hi
dakaw a puaingai mi nun
cu si.a tu lio i mipiangthar kan ti mi a hlim a lam mi khrihfa tampi
chung zong ah a cheu cu mah si ning a thei lo mi aa pemhlo mi tampi
an um ve.mah le mah dirhmun theihhwaha lo nun hi cu
zaangfak kan si ko ee.pathian a zummi pathianfa na si taktak ah cun a
tang lei i Bible bantuk cu kan si cang.

(1) Mikip nih duhmi Vawlei Cite dakaw kan si
cu.......................................mtt 5:13,job.6:6
(2) A hohmanh nih kan herhbikmi Vawlei Ceunak kan si
.......................mtt 5: 14,
(3) Pathianfa @ (ing-shiih-min-taa) အိမ္ေရွ.မင္းသား dirhmun ah a kan
chiah...John 1;12
(4) Misur a nge kan si @ a teng a ban ah a kan
ser.....................................john 15:5b
(5) Sinum kan siti lo a mah hawikom ah a kan ser cang.John 15:16,
(6) theitha theidawh tampi tlaiding ah thimmi kan si. John15:16ff
(7) Sualnak chung in luatter kan si hlei ah dinnak sal ah thlenpiak
mi kan si,Rom.6:17
(8) pathian sal kan si ,"satan" fa kan si
lo.......................................................Rom 6:22
(9) Khrih ROCO tu kan si, mi sawhsaw kan si lo,vancungmembmer zong
kan si.Rom 8:17.
(10) Thiangthlarau Biakinn kan
si.......................................................1ko,3:16,6:19.
(11) khrih a takpum kan si,misawhsawh kan si hrimhrim lo 1ko,12:17,Ef,5:30.
(12) Sertha mi kan si a hlun kan si
lo.................................................2ko,5:17.
(13) Amah a hawikom ah a kan ser i,midang zong a hawi ah ser ve awk
ah rianpek mi
miphunsang kan
si.........................................................................2ko,5:18:19.
(14) Khrih sining a laak mi kan
si...........................................................Gla,3;26-27.
(15) Pathian thawng in ROCO tu kan si mi menmen kan silo..........Gla,4:6-7.
(16) kan nih cu pathian kutchuak kan si,thiltha tuahding ah sermi mi
kan si, Ef, 2:10
(17) Pathian innchungkhar kan
si..........................................................Ef 2:19.
(18) Mifel Mithianghlim a kan siter
cang...............................................Ef,4:24.
(19) Khrih a MO/ A NuPi ding ah sermi kan
si.....................................Rom 7:4

Careltu nandih lak cung ah pathian nih thluchuah in pe cio ko hna seh.
..............................hmaizarh ah a peh a um than
lai...........

...Pastor,Win Hlaing Oo@ Thawng Hu
...Assemblies of God Myanmar,No.(3) kalaymyo
...section,kyarinn AG Church.

------------------------End-----------------------

read more "A HO DAH KA SI; WHO AM I?"