IMAM ( Muslim Pawl thlacamnak i hruaitu) KHRIHFA AH A CANG

Muslim lei ah a tthawng ngai i thlacamnak ah hruaitu asimi, Khrihfa hremnak zong ah a thawng ngaingai mi Pa pakhat cu Pathian nih a pennak chung ah a hun hruai i Khrihfa ah a cang. Amah cu Saudi Arabia ah cawnpiak mi a si i, Khrihfa a hua taktak mi; Islam biaknak karhnak caah Khrihfa hremnak rian ah a thawng ngaingai mi pa asi. Nikhat cu Khrihfa pawl hi zeitindah Islam ah kan canter khawh hna lai tinak kong ceihding ah minung 4000 tluk a auh hna i ton nak an ngei. Cu mivial te hmai i a dir bak in amit thlam in Pathian cu a hmai ah a hung dir kha a hmuh. Cupa nih Jesus a hmuhning cu hiti hin a chim. "Minung a lo ngaingai i a tleu/cer taktak mi puanrang aa aih. A hmaicu zingkaa arfi bantuk in a ceu. Ka lung a buai ngai i holh kho lo in ka um. Cun Jesuh nih cun ka hmur cu a ka tongh hi ka chimmi bia a hung i thleng. Cuthokcun, Bible a diknak, Jesuh chuahnak, mi vialte ca i a thih i a thawhtthannak a hman nak kong kha chim hram kaa thok cawlh," tiah a ti. A hmai i a ummi mipi cu an thin a hung tuk i an au hnawh nain a hmuhmi Pathian sunparnak ruangah raltthatnak le thawnnak a ngei. Mipinih thah ding ah an dawi i an tukden tik ah, Imam nih cun a thawh hna i, "Pathian nih, a hohmanh nih an in that kho lai lo. Atu in ka zul, tiah a ka ti," tiah ati hna. A chim bantuk tein mipi nih thah an timh i an dum nak chung cun him tein a luat. Ahlan ah Islam biaknak ah thawngtuk in Khrihfa a hremmi an hruaitu, Imam pakhat cu a tu ahcun Thlarau thawnnak in a khatmi thawngttha chimtu ah a cang cang. Cathiang ah kan hmuh mi Paul bantuk asi. Pathian min thangtthat sikoseh.